Chinozda ko‘p qavatli uy tomi yonib ketdi
Bugun, 22-avgust kuni soat 08:17 da Toshkent viloyati Chinoz tumani “Bunyodkor” MFY, Sh. Rashidov ko‘chasidagi ko‘p qavatli uyning tom qismida yong‘in sodir bo‘layotgani haqida FVBga xabar kelib tushgan.
Yong‘in-qutqaruv bo‘linmalari voqea joyiga yetib borib, yong‘inni bartaraf etish ishlarini boshlagan. Uyda bo‘lgan barcha fuqarolar xavfsizlik chorasi sifatida evakuatsiya qilingan.
Yong‘in soat 09:10 da qurshab olingan.
Dastlabki ma’lumotlarga ko‘ra, hodisa oqibatida tan jarohati olganlar haqida ma’lumot kelib tushmagan. Vaziyat to‘liq nazoratga olingan.
Hodisa bo‘yicha qo‘shimcha ma’lumot beriladi.
