Butunjahon tozalik kuni munosabati bilan O‘zbekiston bo‘ylab ommaviy plogging aksiyasi o‘tkaziladi
Chiqindilarni boshqarish va sirkulyar iqtisodiyotni rivojlantirish agentligi tashabbusi bilan tashkil etilayotgan ushbu tadbir “World cleanup day” (Butunjahon tozalik kuni) munosabati bilan o‘tkazilmoqda. Eko-akasiya soat 11:00 da O‘zbekistonning barcha hududlarida bir vaqtning o‘zida start oladi.
Aksiyaning asosiy maqsadi – jamoatchilik, ommaviy axborot vositalari, davlat idoralari va xususiy sektor vakillarini tabiatni asrash va atrofdagi chiqindilarni yig‘ish g‘oyasi atrofida birlashtirishdan iborat. Ishki faoliyatni va sportni tozalik bilan uyg‘unlashtirgan plogging formati orqali atrof-muhit sofligiga erishish ko‘zlangan.
Ommaviy plogging aksiyasi mamlakatning har bir viloyati va poytaxt Toshkentdagi belgilangan markaziy lokatsiyalarda, jumladan, Toshkent shahridagi Sharshara ko‘chasida hamda Toshkent viloyatining Chimyon hududida o‘tkaziladi. Tashkilotchilar barcha fuqarolarni ushbu aksiyada faol ishtirok etishga chaqirmoqda.
