Behruz Karimov Lugano jamoasidagi ilk golini urdi
O’zbekistonlik yosh futbolchi Behruz Karimov 16-sentyabr kuni Saint Gallenga qarshi o’yinda ilk golini urdi. Shvetsariya super ligasining 8-turida Lugano va Saint Gallen o’yini 4:1 hisobida g’alaba bilan yakunlanib, Karimov 36-daqiqada jamoasining to‘rtinchi goliga mualliflik qildi.
Mezbonlar birinchi bo‘limning o‘zidayoq to‘rtta gol urib, raqibni butunlay ezib tashladi. Behruz Karimov jamoadoshi Lars Lukas Mai tomonidan uzoqdan uzatilgan to‘pni raqib darvozaboni Lourens Ati Zigining xatosidan so‘ng ikki himoyachi orasidan darvozaga yo‘naltirib, o‘zining Yevropadagi ilk golini kiritdi.
“Lugano” barcha gollarni birinchi bo‘limda kiritgan bo‘lsa, Karimov ikkinchi bo‘limda zaxiraga olindi. Bu g‘alaba bilan jamoa 7 ta g‘alaba va 1 ta durang evaziga 22 ochko to‘plab, Shveysariya Superligasi turnir jadvalida birinchi o‘rinni mustahkamladi.
Eslatib o‘tamiz, 19 yoshli Behruz Karimov joriy yilning avgust oyida “Surxon” klubidan “Lugano”ga o‘tgan va 2031-yilgacha shartnoma imzolagan edi. Yevropadagi debyut mavsumida asosiy tarkibda o‘rin egallab, endi o‘zining ilk golini ham urgan yosh legioner jamoaning ishonchini oqlashda davom etmoqda.
