Andijonda Tracker saloniga 21 nafar bog‘cha bolasini tiqib YTHga uchragan haydovchiga uy qamog‘i jazosi berildi
Xo‘jaobod tumanida 2026-yil fevral oyida sodir bo‘lgan YTHda xususiy bog‘cha rahbari I.A. o‘zining Tracker mashinasiga 21 nafar voyaga yetmagan bolani, jumladan, yukxonagacha joylashtirib olib ketayotgan bo‘lgan. Harakat davomida boshqaruv yo‘qotilib, avtomobil yo‘l chetidagi beton ustuqqa urilgan. Portal24.uz sud hujjati bilan tanishdi.
Zarb oqibatida 6 yoshli qizaloq olgan og‘ir jarohatlari sabab shifoxonada vafot etgan, yana 7 nafar bola turli darajada tan jarohati olgan.
Sudda haydovchi aybiga iqror bo‘lib, bolalarni ota-onalarga qulaylik yaratish uchun o‘z mashinasida tashiganini va boshqa transport vositasi yaqin kelganida cho‘chib, rulni o‘ngga burib yuborganini bildirgan.
Sud sudlanuvchining II guruh nogironligi, pushaymonligi va jabrlanuvchilarning moddiy hamda ma’naviy da’vosi yo‘qligini inobatga olib, unga 3 yil muddatga ozodlikni cheklash va 2 yilga haydovchilik huquqidan mahrum qilish jazosini tayinlagan.
