Bozorov prezident tanqididan so‘ng qariyb qariyb 150 farg‘onalik tadbirkor bilan Kobulga bordi
Esingizda bo‘lsa, prezident Shavkat Mirziyoyev 21-iyul kuni birinchi yarim yillik yakunlariga bag‘ishlangan yig‘ilishda viloyat hokimlarini inflyatsiyani jilovlash bo‘yicha berilgan va’dalarni bajarmagani uchun tanqid qilgandi. mazkur tanqidlardan so‘ng farg‘ona viloyati hokimi Xayrullo Bozorov qariyb 150 nafar tadbirkor bilan Afg‘onistonga bordi.
Delegatsiyaga Bosh vaziri o‘rinbosari Jamshid Xo‘jayev hamrohlik qilgan. Ular Afg‘oniston Savdo-sanoat va investitsiyalar palatasi raisi Said Karim Hoshimiy hamda boshqa rasmiylari bilan uchrashuvlar o‘tkazilgan.
Tashrif davomida savdo-iqtisodiy va investitsiyaviy hamkorlikni rivojlantirish, shuningdek, o‘zaro manfaatli aloqalarni mustahkamlash ko'rib chiqiladi.
Shuningdek, muzokaralarda Afg‘oniston bozorini o‘rganish, mahalliy talabdan kelib chiqib mahsulot ishlab chiqarish va eksport hajmini oshirish masalalari muhokama qilinishi rejalashtirilgan.
Shuningdek, ikki mamlakat tadbirkorlari o‘rtasida barqaror kooperatsiya aloqalarini yo‘lga qo‘yish hamda Qobul va Mozori Sharif shaharlarida “Farg‘ona savdo uyi”ni tashkil etish masalasi ham ko'rib chiqiladi.
Afg‘oniston tomonining ma’lumotlariga ko‘ra, uchrashuvlar davomida 4 milliard AQSH dollaridan ortiq qiymatdagi savdo bitimlari, biznes delegatsiyalari almashinuvi, afg‘on eksporti uchun imtiyozli bojxona tariflarini qo‘llash hamda ikki davlat o‘rtasidagi o‘zaro savdo hajmini 5 milliard dollarga yetkazish istiqbollari muhokama qilingan.
Shuningdek, Qobul shahrida O‘zbekiston mahsulotlarining doimiy ko‘rgazma zali rasman ochildi.
