3-oktyabrdan Toshkent viloyatida ichimlik suvi va kanalizatsiya narxi oshadi
Xalq deputatlari Toshkent viloyati Kengashining tegishli qaroriga muvofiq, 2026-yil 3-oktyabrdan aholi uchun 1 kub metr ichimlik suvi narxi QQS bilan amaldagi 2 912 so‘mdan 3 472 so‘mga, oqova suv xizmati esa 1 456 so‘mdan 1 680 so‘mga ko‘tariladi. Budjet va ulgurji tashkilotlar uchun ichimlik suvi tariflari 17 920 so‘m, oqova suv narxi esa 4 480 so‘m etib belgilandi. Shu bilan birga, suv hisoblagichi o‘rnatmagan xonadonlar uchun to‘lovlar belgilangan normaga 1,5 baravar oshirilgan koeffitsiyent qo‘llangan holda hisoblab chiqiladi.
Tariflarning qimmatlashuvi elektr energiyasi narxining o‘sishi, ish haqi, soliqlar hamda suv inshootlarini modernizatsiya qilish xarajatlari ortgani bilan izohlandi. Hozirda viloyatdagi 862 ta suv inshootining qariyb 23 foizi ta’mirtalab ahvolda bo‘lib, kelgusi besh yilda infratuzilmani yangilash va qamrovni oshirish uchun 7,88 trillion so‘m yo‘naltirilishi rejalashtirilgan.
Mazkur mablag‘lar evaziga markazlashgan ichimlik suvi ta’minotini 95 foizga, kanalizatsiya tarmog‘ini esa 45 foizga yetkazish ko‘zda tutilgan.
