YETTB O‘zbekiston iqtisodiy o‘sishi bo‘yicha prognozini 7,5 foizgacha oshirdi
Bank tahlilchilarining ta’kidlashicha, joriy yilning birinchi yarmida mamlakatda iqtisodiy faollik sezilarli darajada tezlashgan. Yanvar–iyun oylarida yalpi ichki mahsulot (YAIM) o‘sishi 8,5 foizni tashkil etgan bo‘lib, bu jarayonda eng yuqori ulush xizmat ko‘rsatish sohasiga to‘g‘ri kelgan. Shu bilan birga, qayta ishlash sanoatida 8,8 foizlik, tovar aylanmasida esa 13,5 foizlik o‘sish kuzatilgan.
Asosiy kapitalga kiritilgan investitsiyalar hajmi 17,5 foizga ko‘paygan. YETTB O‘zbekistonni Markaziy Osiyoda, ayniqsa energetika tarmog‘iga to‘g‘ridan-to‘g‘ri xorijiy sarmoyalarni jalb etayotgan asosiy davlatlardan biri sifatida e’tirof etdi. Iyul holatiga ko‘ra yillik inflyatsiya 6,4 foizni tashkil qilgan bo‘lsa, xalqaro zaxiralar 32 foizga oshib, 64 milliard dollarga yetgan.
Shu bilan birga, oltin eksportining kamayishi sababli umumiy eksport ko‘rsatkichi 4,5 foizga qisqargan, import esa 17,8 foizga oshgan. Natijada tashqi savdo salbiy qoldig‘i 9,7 milliard dollarga yetgan. Ma’lumot uchun, O‘zbekiston hukumati 2026-yil yakunlari bo‘yicha iqtisodiy o o‘sish 8,1 foiz darajasida bo‘lishini muloqot qilmoqda.
