Toşkentda “Imarat Development” rahbarlariga jinoyat işi oçildi: xaridorlar poytaxtdan deb olgan uylar viloyatdan çiqdi
Sergeli tumanida faoliyat yuritgan “Imarat Development” kompaniyasi poytaxtliklarga sotgan köp qavatli uylarning aslida Toşkent viloyatining Quyi Çirçiq tumanida joylaşgani mojaro kelib çiqişiga sabab böldi. Aldanganini tuşunib yetgan xaridorlar tölangan pullarni qaytarib berişni talab qilgan, biroq kompaniya rahbarlari mablağlarni berişdan boş tortgan. Mazkur holat ortidan Toşkent şahar IIBB Tergov boşqarmasi tomonidan firibgarlik hamda mansab vakolatini suiiste’mol qiliş moddalari böyiça jinoyat işi qözğatilib, tergov harakatlari boşlab yuborildi.
Suriştiruv jarayoni içki işlar va prokuratura nazoratiga olingan bir paytda, jamoatçilikka yaxşi tanilgan kompaniya asosçisi Marat Hamdamov tarmoqlarda ketma-ket videobayonot berib çiqdi. Uning ta’kidlaşiça, oxirgi bir oy davomida bir guruh şaxslar kompaniyani tortib oliş uçun öziga va oilasiga ölim bilan tahdid qilgan. Tadbirkorning aytişiça, u uylarni oxirigaça qurib xaridorlarga topşirişini bildirganidan söng bosimlar yanada kuçaygan va uni hatto öz idorasiga kiritmay qöyişgan.
Hamdamovning da’vo qilişiça, uning xorijda bölganidan foydalangan kompaniya boş finansisti öz xatolari sabab yuzaga kelgan köp million dollarlik zararni yopiş uçun mijozlarning uylarini bankka garovga qöyib, kredit olmoqçi bölgan. Uşbu noqonuniy rejalarga qarşi çiqqani uçun kompaniya nomi uning roziligisiz “Imtiyaz”ga özgartirilgan va xaridorlar orasida unga qarşi qora kampaniya boşlangan.
Tadbirkor öziga nisbatan bölayotgan tahdidlar, bosimlar va kompaniyani egallab olişga bölgan urinişlar yuzasidan huquqni muhofaza qiluvçi organlarga rasmiy murojaat yöllaganini hamda öz gipotezalarini tasdiqlovçi dalillarni taqdim etganini ma’lum qildi. Biroq, agar u kompaniyaning asosiy egasi bölsa, uning roziligisiz taşkilot nomi va boşqaruvi qanday qilib özgartirib yuborilgani borasidagi jumboqli savollar oçiqligiça qolmoqda.
