Statistika qo‘mitasi O‘zbekistonda ayollarning nechi foizi internetdan foydalanishini ochiqladi
2026-yilning yanvar–avgust oylarida O‘zbekistonda 10 yosh va undan katta ayollar orasida internetdan foydalanuvchilar ulushi 97 foizni tashkil etdi. Bu Milliy statistika qo‘mitasining uy xo‘jaliklari tanlanma kuzatuvlari natijalarida qayd etilgan.
2021-yilda ushbu ko‘rsatkich 76,6 foiz bo‘lgan. Demak, internetdan foydalanuvchi ayollar ulushi 20,4 foiz bandga oshgan.
Joriy yilning yanvar–avgust oylarida 10 yosh va undan katta erkaklar orasida internetdan foydalanuvchilar ulushi 97,5 foizga yetgan. Bu ayollar ko‘rsatkichidan 0,5 foiz bandga yuqori.
