O‘zbekistonning qator hududlarida sel va suv toshqini xavfi e’lon qilindi
O‘zgidromet 30-sentabr — 2-oktabr kunlari kutilayotgan yomg‘irlar sababli O‘zbeksitonning ning tog‘oldi va tog‘li hududlarida sel va suv toshqinlari yuzaga kelishidan ogohlantirdi.
Tezkor gidrometeorologik axborotga ko‘ra, quyidagi hududlarda sel va suv toshqini xavfi mavjud:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlari;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrobot tumanlari;
- Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlari;
- Navoiy viloyati: Xatirchi, Navbahor, Nurota, Konimex va Karmana tumanlari;
- Jizzax viloyati: Zomin, Baxmal, G‘allaorol, Sharof Rashidov, Forish va Yangiobod tumanlari;
- Toshkent viloyati: Ohangaron, Bo‘stonliq, Parkent, Piskent, O‘rtachirchiq va Yuqorichirchiq tumanlari, shuningdek, Angren va Olmaliq shaharlari;
- Namangan viloyati: Pop, Kosonsoy, Chortoq, Chust, Namangan va Yangiqo‘rg‘on tumanlari;
- Farg‘ona viloyati: So‘x, Shohimardon, Farg‘ona va Beshariq hududlari;
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod va Marhamat tumanlari hamda Xonobod shahri.
Tog‘oldi va tog‘li hududlarda yashovchi fuqarolar, dam oluvchilar hamda ushbu hududlarda harakatlanayotgan haydovchilar ehtiyot choralarini ko‘rishga chaqirilgan.
Shuningdek, respublikaning ayrim joylarida yomg‘ir suvlari to‘planib, hududlarni suv bosishi mumkinligi haqida ogohlantirilgan.
