O‘zbekistonda noqonuniy ko‘p qavatli uy qurganlar 5 yilgacha ozodlikdan mahrum qilinishi mumkin
O‘RQ-1179-sonli qonun bilan kiritilgan o‘zgarishlarga ko‘ra, obyektlarda qurilish-montaj ishlarini boshlashdan avval Qurilish va uy-joy kommunal xo‘jaligi sohasidagi hududiy nazorat inspeksiyalaridan maxsus ruxsatnoma olish shart qilib belgilangan. Agar noqonuniy qurilish uchun avval ma’muriy chora qo‘llanilganidan keyin ham ushbu qoidabuzarlik takroran sodir etilsa, aybdor shaxslarga nisbatan bevosita jinoiy javobgarlik choralari qo‘llaniladi.
Shuningdek, shaharsozlik intizomi va qonunchiligi buzilishi insonlar o‘limiga yoki boshqa og‘ir oqibatlarga olib kelgan taqdirda, javobgarlik yanada kuchaytirilib, 5 yildan 7 yilgacha ozodlikdan mahrum etish jazosi nazarda tutilgan.
Ushbu qonunchilik talablari hamda belgilangan sanksiyalar hujjat rasmiy e’lon qilingan kundan e’tiboran uch oy o‘tgach to‘liq kuchga kiradi.
