Özbekiston aholisi 39 milliondan oşdi: mamlakatda etnik özbeklar uluşi 89,4 foizni, özbek tilida sözlaşuvçilar esa 91,3 foizni taşkil etmoqda

Ikkinçi yirik milliy guruh sifatida tojiklar (1,28 million kişi yoki 3,3 foiz) qayd etilgan bölsa, keyingi örinlardan qoraqalpoqlar (841,4 ming), qozoqlar (707,3 ming), ruslar (606,5 ming), qirğizlar (219,1 ming) va turkmanlar (194,8 ming) joy oldi. Hududlar kesimida etnik özbeklarning eng yuqori uluşi Xorazm viloyatida (98,7 foiz) kuzatilgan bölsa, Qoraqalpoğistonda bu körsatkiç 47,6 foizni (1,02 million özbek va 772,3 ming qoraqalpoq) taşkil etdi.

Şuningdek, tojiklarning eng köpi Surxondaryo viloyatida (273,7 ming), ruslarning deyarli yarmi esa Toşkent şahrida (299,7 ming) istiqomat qilişi aniqlandi.

Röyxatga oliş jarayonida 35,65 million fuqaro yoki aholining 91,3 foizi özbek tilini asosiy muloqot tili sifatida körsatgan, bu esa etnik özbeklar uluşidan 1,9 foiz punktga köpdir. Keyingi örinlarda qoraqalpoq tili (910,5 ming kişi), tojik tili (851,3 ming), rus tili (787,5 ming) hamda qozoq tili (561,3 ming) qayd etilgan. E’tiborlisi, rus tilini asosiy til deb belgilaganlar soni etnik ruslar sonidan qariyb 181 ming nafarga köpligi ma’lum böldi.

Ma’lumot örnida, Özbekistonda 1989-yildan beri ilk bor ötkazilgan uşbu tadbir natijalari mamlakat aholisi avvalgi joriy statistik baholardan 810,6 ming kişiga köp ekanini körsatdi, biroq bu keskin ösiş emas, balki hisob-kitoblarning aniqlaştirilgani bilan izohlanadi. Qömita uşbu raqamlar hozirça dastlabki ekanini eslatib, yakuniy ma’lumotlar 2027-yil 1-iyulgaça töliq qayta işlanişini bildirdi.