Endi tarkibida bir neçta faol modda bor dorilar ham retseptsiz sotilişi mumkin

Şuningdek, qöllaş yöriqnomasining iste’molçi uçun tuşunarliligi, farmakonazorat natijalari hamda Jahon soğliqni saqlaş taşkiloti e’tirof etgan organlar tomonidan uşbu dorining retseptsiz toifaga kiritilgani ham inobatga olinadi. Bundan taşqari, ikki yoki undan ortiq faol modda birikmasidan iborat preparatlar ham klinik asoslanganligi va foyda-xavf nisbati ijobiy baholansa, retseptsiz sotuvga ruxsat olişi mumkin.

Hujjatdagi eng muhim yangiliklardan biri – dorini retseptsiz toifaga ötkaziş rad etilgan taqdirda qayta murojaat qiliş muddatining qisqartirilganidir. Agar rad etişga sabab bölgan kamçiliklar bartaraf etilsa yoki preparat xavfsizligiga oid yangi dalillar taqdim etilsa, ariza beruvçi avvalgidek 3 yil kutmasdan darhol takroriy ariza topşirişi mumkin böladi. Vakolatli organ esa yangi ma’lumotlar va qonunçilik özgarişlaridan kelib çiqib, dorining toifasini qayta körib çiqiş huquqiga ega.

Eslatib ötamiz, mamlakatda 2025-yil dekabr oyidan boşlab Toşkent şahri va 15 ta hududda sinov tariqasida işga tuşirilgan "Elektron retsept" (DMED) tizimi 2027-yil yanvaridan respublika böylab töliq joriy etilişi rejalaştirilgan. Dastlabki bosqiçda retseptli dorilar röyxati kengligi poliklinikalarga yuklamani oşirişi va surunkali kasalligi bor bemorlar uçun qiyinçilik tuğdirişi jamoatçilikda bahs-munozaralarga sabab bölgan edi.

Soğliqni saqlaş vazirligi esa mazkur tizim bekor qilinmaganini, aksinça bosqiçma-bosqiç kengaytirilib, öz-özini davolaş va xavfli dori kombinatsiyalarining oldini olişga xizmat qilişini ta’kidlab kelmoqda.