Asli o‘zbekistonlik bokschi Saidjamshid Jafarov Sofiyada o‘tgan musobaqada Yevropa chempioni unvoniga ega bo‘ldi
Bolgariya poytaxti Sofiya shahrida boks bo‘yicha 2026-yilgi Yevropa chempionati o‘z yakuniga yetdi. -75 kg vazn toifasida ringga ko‘tarilgan Saidjamshid Jafarov hal qiluvchi final jangida rossiyalik Ismail Mutsolgov bilan kuch sinashdi. Hakamlarning yakdil 5:0 hisobidagi qarori bilan raqibidan ustun kelgan bokschi o‘z faoliyatida birinchi marotaba Yevropa chempioni degan unvonga sazovor bo‘ldi.
Mazkur musobaqa xalqaro boks olamida alohida ahamiyatga ega bo‘lib, u World Boxing shafeligidagi European Boxing tashkiloti tomonidan o‘tkazilgan tarixdagi ilk Yevropa chempionati sifatida qayd etildi. 17-sentyabr kuni start olgan turnirda erkaklar va ayollar o‘rtasida o‘nta vazn toifasida g‘oliblar aniqlandi.
Ma’lumot uchun, Buxoro viloyatida tug‘ilgan Saidjamshid Jafarov avval O‘zbekiston milliy terma jamoasi tarkibida muvaffaqiyatli ishtirok etib kelgan. U 2023-yilgi Jahon chempionatida kumush medal sohibi bo‘lgan edi. Sportchining Ozarbayjon bayrog‘i ostidagi faoliyati ham qit’a miqyosidagi oltin medal bilan samarali boshlandi.
