AQSh harbiylari Oy atrofida va chuqur kosmosda harbiylashgan jangovar harakatlarga tayyorgarlik ko‘radi
Ushbu shov-shuvli bayonot Vashington yaqinida bo‘lib o‘tgan anjumanda yangradi va u AQShning koinotda rasman kosmik nazorat qurollarini joylashtirganini ochiq e’lon qilganidan bir necha kun o‘tib berildi. Harbiy rahbariyat insoniyat koinotni tobora chuqurroq o‘zlashtirayotgan bir paytda, Kosmik kuchlar mamlakat manfaatlarini har qanday masofada himoya qilishga shay turishi shartligini hamda bunga asosiy sabablardan biri sifatida Xitoyning kosmik harbiy salohiyati tez sur’atda o‘sayotganini ko‘rsatdi.
O‘z navbatida, Pekin koinotdan faqat tinchlik maqsadlarida foydalanish tarafdori ekanini ta’kidlab, Vashingtonni kosmik hududdagi harbiy tayyorgarlik va kuchlarni oshirish harakatlarini darhol to‘xtatishga chaqirdi. Ta’kidlash joizki, ikkala mamlakat ham 1967-yilda qabul qilingan va Oy hamda boshqa koinot jismlariga yadroviy va ommaviy qirg‘in qurollarini joylashtirishni taqiqlovchi xalqaro Kosmos to‘g‘risidagi shartnoma ishtirokchilari hisoblanadi.
Geosiyosiy raqobat kuchayib borayotgan bir sharoitda AQSh o‘z harbiy koinot salohiyatini keskin oshirishni rejalashtirmoqda. Rasmiy ma’lumotlarga ko‘ra, Vashington kelgusi besh yil ichida mamlakat Kosmik kuchlari shaxsiy tarkibi va harbiy xizmatchilari sonini qariyb 25 ming nafargacha yetkazishni ko‘zda tutgan.
