117 yoshli ayol o‘lganga chiqarilib, pensiyadan mahrum qilindi
Ayolning tirik ekanini isbotlash uchun uning oilasi davlat idoralariga ko‘plab hujjatlar va guvohlar ko‘rsatmasini taqdim etishiga to‘g‘ri keldi.
Rasmiy hujjatlarga ko‘ra 1909-yilda tug‘ilgan Marra shu haftada o‘zining 117 yoshini nishonladi. U Ginnesning rekordlar kitobiga ko‘ra dunyoning eng keksasi hisoblangan britaniyalik Etel Katerxamdan hatto ikki kun kattaroqdir. Ayniqsa, ayol 100 yoshga to‘lganda rasmiylar uni tiriklar safida yo‘q deb hisoblab, to‘lovlarni to‘xtatib qo‘yishgani ma’lum bo‘ldi.
Tirikligini tasdiqlovchi dalillar taqdim etilgach, joriy oyda unga yoshiga mos maxsus oylik pensiya qayta tayinlandi. Tirana yaqinidagi qishloqda yashovchi ushbu momo umrining katta qismini dehqonchilik va chorvachilik bilan o‘tkazgan. Farzandlarining ta’kidlashicha, u hayoti davomida hech qachon shifokorga murojaat qilmagan va dori ichmagan.
Hozirda 117 yoshli ayol har kuni hovli supuradi, gullarni sug‘oradi, parrandalarga yem beradi va bog‘da aylanib meva teradi. 36 yil avval turmush o‘rtog‘ini yo‘qotgan ayolning yetti nafar farzandi bo‘lib, u o‘z avlodining beshta bo‘g‘inini ko‘rishga muvaffaq bo‘lgan.
