Yevropa Ittifoqi Alisher Usmonovni sanksiyalar ro‘yxatidan chiqardi
YI Kengashining 22-sentyabr kuni e’lon qilingan rasmiy qaroriga ko‘ra, Usmonov va Fridman bilan bir qatorda Qrim federal universitetining sobiq rektori Andrey Falaleyev hamda “Redbird Corporate Services Ltd” kompaniyasi ham sanksiyalar ro‘yxatidan chiqarildi. Shuningdek, hujjatdan vafot etgan uch nafar shaxsga tegishli ma’lumotlar olib tashlandi va 104 nafar jismoniy hamda 71 ta yuridik shaxs bo‘yicha cheklov ma’lumotlariga aniqlik kiritildi.
Tadbirkorlarning ro‘yxatdan chiqarilishi ortidan YI Kengashi individual sanksiyalar rejimining amal qilish muddatini biryo‘la 36 oyga – 2029-yil 22-sentyabrga qadar uzaytirdi. Ma’lumot uchun, ushbu cheklov choralari oxirgi marta 2026-yilning mart oyida atigi olti oy muddatga uzaytirilgan edi.
YI ichidagi murakkab diplomatik muzokaralar natijasida qabul qilingan ushbu qaror xalqaro hamjamiyatda turlicha munosabat uyg‘otdi. Jumladan, Ukraina Tashqi ishlar vaziri Andrey Sibiga Yevropa Ittifoqining rossiyalik biznesmenlarga nisbatan sanksiyalarni bekor qilish bo‘yicha ushbu qadamini keskin tanqid qildi.
