O‘zbekistonga o‘qish uchun kelgan xorijliklar soni 2,1 barobarga oshdi
2026-yilning yanvar–avgust oylarida 29 548 nafar chet el fuqarosi o‘qish maqsadida O‘zbekistonga kelgan. Milliy statistika qo‘mitasiga ko‘ra, bu o‘tgan yilning mos davridagidan 15,3 ming nafarga ko‘p.
O‘qish uchun kelganlar orasida Turkmaniston fuqarolari eng ko‘p — 11 986 nafar. Keyingi o‘rinlarda Hindiston (6 163 nafar), Tojikiston (2 271 nafar), Xitoy (1 311 nafar) va Pokiston (1 252 nafar) fuqarolari turibdi.
Shuningdek, Qirg‘iz Respublikasidan 1 028 nafar, Misrdan 852 nafar, Koreya Respublikasidan 732 nafar va Filippindan 620 nafar fuqaro kelgan. Boshqa davlatlar hissasiga 3 333 nafar to‘g‘ri kelgan.
