O‘zbekistonda yirik sanoat korxonalarida besh yil ishlagan xodimlarning farzandlari kontrakti qoplab beriladi
O‘zbeksitonda kamida ming nafar ishchisi bo‘lgan sanoat korxonalarida besh yil yoki undan ko‘proq ishlagan xodimlarning farzandlari uchun kontrakt to‘lovi qoplab beriladi. Bu haqda Shavkat Mirziyoyev 24-sentabrdagi yig‘ilishda ma’lum qildi.
Shuningdek, bunday korxonalarning xodimlarni o‘qitish, malakasini oshirish hamda ishga olib kelish va qaytarish bilan bog‘liq transport xarajatlarining 50 foizi kompensatsiya qilinadi. Ish o‘rinlari soni mingga yaqinlashayotgan korxonalarga esa alohida grantlar ajratiladi. Ushbu yo‘nalishda Andijon viloyatiga 20 million dollar beriladi.
Mutasaddilarga bir oy ichida ko‘p ish o‘rni yaratadigan korxonalarni qo‘llab-quvvatlash bo‘yicha qaror loyihasini kiritish topshirildi.
- #kontrak
- #shavkat mirziyoyev
