O‘zbekistonda dam olish kunlari qanday ob-havo kuzatiladi?
26–27-sentabr kunlari O‘zbekistonning katta qismida yog‘ingarchilik kutilmaydi. Havo harorati asta-sekin pasayib, kunduzi 22–25 daraja, janubiy hududlarda 27–30 daraja bo‘ladi. Bu haqda O‘zgidromet xabar berdi.
Ayrim tog‘oldi va tog‘li hududlarda, shuningdek, 26-sentabrga o‘tar kechasi Farg‘ona vodiysining ba’zi joylarida qisqa muddatli yomg‘ir yog‘ib, momaqaldiroq bo‘lishi mumkin. Kechalari harorat 9–14 darajani tashkil etadi. Shimoliy va cho‘l hududlarda shamol tezligi 13–18 m/s gacha kuchayib, ayrim joylarda chang-to‘zon kuzatilishi mumkin.
Toshkentda shanba va yakshanba kunlari yog‘ingarchilik kutilmaydi. Havo harorati kunduzi asta-sekin 23–25 darajagacha pasayadi.
