Ota-onalar endi farzandining maktabdagi baholarini onlayn kuzatishi mumkin
Yangi yo‘lga qo‘yilgan xizmat yordamida ota-onalar har bir fan bo‘yicha joriy baholar, o‘rtacha o‘zlashtirish ko‘rsatkichlari, shuningdek, sinf va umumiy maktab statistikasi bilan tanishib borishlari mumkin. Buning uchun my.gov.uz portalidagi shaxsiy kabinetga kirib, “Mening oilam” bo‘limiga o‘tish hamda farzand ma’lumotlari yonida joylashgan “Maktab ma’lumotlari” tugmasini bosish kifoya qiladi.
Tizimda baholardan tashqari ta’lim muassasasining manzili, unda tahsil olayotgan o‘quvchilar va dars berayotgan o‘qituvchilar soniga oid ma’lumotlar ham aks etadi.
Tez orada portalga o‘quvchilarning darslarga qatnashish davomatini real vaqt rejimida ko‘rib borish funksiyasi ham qo‘shilishi rejalashtirilgan.
