Osiyo va Paraosiyo o‘yinlarida oltin medal olgan o‘zbekistonlik sportchilarga beriladigan mukofot puli 25 ming dollarga oshirildi
]Prezidentning tegishli qaroriga kiritilgan o‘zgartirishlarga ko‘ra, endilikda nufuzli musobaqalarda oltin medalni qo‘lga kiritgan sportchilar 25 ming AQSH dollari miqdorida rag‘batlantiriladi. Kumush medal sohiblariga 12,5 ming dollar, bronza medal ega bo‘lgan atlaslarga esa 6 250 AQSH dollari miqdorida bir martalik pul mukofoti to‘lab beriladi.
Yangi tartib doirasida chempion va sovrindorlarni musobaqalarga tayyorlagan murabbiylar mehnatini munosib baholash ham ko‘zda tutilgan. Unga ko‘ra, oltin medal olgan sportchining murabbiyi 10 ming dollar, kumush medal uchun 5 ming dollar, bronza medal uchun esa 2 500 AQSH dollari miqdoridagi mukofot puliga ega bo‘ladi.
Ma’lumot uchun, ilgari amalda bo‘lgan tartibga ko‘ra ushbu kompleks turnirlarda shohsupaning eng yuqori pog‘onasiga ko‘tarilgan o‘zbekistonlik sportchilarga 10 ming AQSH dollari miqdorida mukofot ajratilar edi. Yangi qaror bilan oltin medal uchun beriladigan to‘lov miqdori teng baravardan ham ko‘proqqa ko‘paytirildi.
- #Paraosiyo o‘yinlari
- #mukofot
- #oltin
