Bekmurod Abdullayev Chilonzor tumani IIO FMB boshlig‘i etib tayinlandi
O‘zbekiston ichki ishlar vaziri sobiq o‘rinbosari general-mayor Bekmurod Abdullayev Bekmurod Abdullayev Chilonzor tumani Ichki ishlar organlari faoliyatini muvofiqlashtirish boshqarmasi boshlig‘i etib tayinlandi. Bu haqda IIV matbuot kotibi Portal24.uz’ga xabar berdi.
Bekmurod Abdullayev o‘zlashtirish va mansab vakolatlarini suiiste’mol qilishda gumonlanib sudlangan edi. Tayinlov haqidagi buyruq esa Ichki ishlar vaziri tomonidan imzolandi.
Bekmurod Abdullayev 1975-yilda tug‘ilgan. U 1997-yilda Samarqand oliy harbiy avtomobil va muhandislar qo‘mondonlik bilim yurtini, 2009-yilda Namangan davlat universitetini tamomlagan. 2020–2021-yillarda Milliy gvardiya qo‘mondonining birinchi o‘rinbosari, 2021–2025-yillarda esa ichki ishlar vazirining o‘rinbosari — Jamoat xavfsizligi xizmati boshlig‘i bo‘lgan.
Prezident 27-yanvarda IIV davlat xaridlarida 186 mlrd so‘m talon-toroj qilinganini va Abdullayev hamda Rustam Tursunovga nisbatan jinoyat ishlari qo‘zg‘atilganini ma’lum qilgan. Abdullayevga Jinoyat kodeksining 167-moddasi 2-qismi “a”, “b” bandlari va 3-qismining bir necha bandi bo‘yicha ayblov qo‘yilgan. U yana olti nafar mansabdor shaxs bilan birga 15-aprelda qamoqdan ozod qilingan, yozda esa uning ishi yopiq sudda ko‘rilgan. OAVda Abdullayev va Tursunov 11-sentabrdagi hukm bilan oqlangani aytilmoqda, ammo sud natijasi rasman e’lon qilinmagan.
