1 million so‘mlik yangi pul muomalaga chiqarildimi?
Markaziy bank ushbu tarqalgan ma’lumotlarga munosabat bildirdi.
“Barcha rasmiy ma’lumotlar uchun Markaziy bankning rasmiy sahifalarini kuzatib borishingizni so‘raymiz”, deyiladi munosabatda.
Regulyator fuqarolardan yolg‘on ma’lumotlarga emas, faqat rasmiy manbalarda berilayotgan axborotlarga tayanishni so‘ragan. Qonunchilikka ko‘ra, mamlakatda yangi nominallardagi pul belgilarini chiqarish va ularning dizaynini belgilash vakolati faqat Markaziy bankka tegishli bo‘lib, bunday qarorlar oldindan OAV orqali e’lon qilinadi.
Bugungi kunda mamlakatda 1000 so‘mdan 200 000 so‘mgacha bo‘lgan qog‘oz banknotalar va 100 dan 1000 so‘mgacha bo‘lgan tangalar amalda bo‘lib turibdi.
2021-2022 yillarda muomalaga kiritilgan yangi ko‘rinishdagi pullar bilan birga, ilgarigi namunadagi qog‘oz pullar ham to‘lov kuchini yo‘qotmagan va ulardan cheklovlarsiz foydalanilmoqda.
