Xalqaro qidiruvda bo‘lgan o‘zbekistonlik erkakTurkiyada qo‘lga olindi
Xalqaro qidiruvda bo‘lgan O‘zbekiston fuqarosi Turkiyada qo‘lga olinib, mamlakatga qaytarildi. Bu haqda O‘zbekistonning Istanbuldagi bosh konsulxonasi xabar berdi.
Qayd etilishicha, mazkur shaxs ajratilgan kredit mablag‘larini o‘zlashtirish va rastrata qilish yo‘li bilan talon-toroj qilib, davlat budjetiga jami 5 milliard so‘m zarar yetkazganlikda gumon qilinmoqda. Shu sababli u Jinoyat kodeksining 167-moddasi 3-qismi bilan xalqaro qidiruvga berilgan edi.
O‘zbekiston va Turkiya huquqni muhofaza qiluvchi organlari hamkorligida S.A. Turkiya hududida aniqlanib, qo‘lga olindi.
Qo‘lga olingan shaxs tergov va boshqa protsessual harakatlarni davom ettirish uchun O‘zbekistonning vakolatli organlariga topshirildi.
