Voyaga yetmagan qiz bilan jinsiy aloqada bo‘lgani uchun qidirilayotgan yigit Rossiyada ushlandi
U mamlakat hududidan chiqib ketishga urinayotgan vaqtida chegara punktida qo‘lga tushgan.
Olingan ma’lumotlarga ko‘ra, ushbu fuqaroga nisbatan joriy yilning mart oyida O‘zbekistonda Jinoyat kodeksining tegishli moddasi bilan jinoyat ishi qo‘zg‘atilgan edi. Sud uning yo‘qligida syomka va qidiruv e’lon qilib, qamoqqa olish ehtiyot chorasini g‘oyibona tanlagan.
Astraxan viloyatidagi “Karauzek” nazorat-o‘tkazish punktida chegarachilar va huquqni muhofaza qiluvchi organlar hamkorligida ushlangan yigit Rossiyada noqonuniy ravishda yashab kelgani aniqlandi. U bir necha oy davomida Volgograd viloyatidagi qurilish obyektlarida yashirincha ishlab kelgan.
Hozirgi vaqtda ushbu shaxs tergov hibsxonasida saqlanmoqda hamda migratsiya qonunchiligini buzgani uchun unga ma’muriy chora ko‘rilgan. Yaqin orada u jinoiy javobgarlikka tortish uchun O‘zbekistonga ekstraditsiya qilinishi kutilmoqda.
