O‘zbekistonda ijara bozori hajmi 9 trillion so‘mga yetdi, eng yuqori ko‘rsatkich qayerda?
Hududlar kesimida ijaraga berish xizmatlarining asosiy qismi poytaxt hisobiga to‘g‘ri keldi. Toshkent shahrida qayd etilgan ko‘rsatkich 3,3 trillion so‘mga yetib, respublika bo‘yicha mutlaq yetakchilikni saqlab qoldi. Keyingi o‘rinlarni 959,5 milliard so‘m bilan Toshkent viloyati hamda 902,9 milliard so‘m ko‘rsatkich bilan Samarqand viloyati egalladi.
Shuningdek, vodiy va janubiy hududlarda ham sezilarli hajmlar qayd etildi. Jumladan, Farg‘ona viloyatida ijara xizmatlari ko‘lami 575 milliard so‘mni, Qashqadaryoda 518,6 milliard so‘mni, Andijonda 477 milliard so‘mni hamda Buxoro viloyatida 463,2 milliard so‘mni tashkil etdi.
Surxondaryo va Namangan viloyatlarida esa ko‘rsatkichlar mos ravishda 310 milliard va 306,7 milliard so‘m atrofida shakllandi.
Mamlakatning boshqa hududlarida ijara sektori hajmi quyidagicha taqsimlandi: Qoraqalpog‘iston Respublikasida 294,3 milliard so‘m, Xorazmda 210,6 milliard so‘m va Jizzaxda 163,3 milliard so‘mlik xizmatlar ko‘rsatildi. Eng kam ko‘rsatkichlar esa Navoiy (153,2 milliard so‘m) hamda Sirdaryo (131,2 milliard so‘m) viloyatlari hisobiga to‘g‘ri keldi.
- #ijara
- #bozor
- #ko‘rsatkich
