Farg‘onada avtomobil boshqargan 5-sinf o‘quvchisining otasiga chora ko‘rildi
So‘x tumanida 5-sinf o‘quvchisi otasiga tegishli avtomobilni boshqargani aniqlandi. Holat yuzasidan bolaning otasiga nisbatan ma’muriy bayonnoma rasmiylashtirildi. Bu haqda Farg‘ona viloyati IIB YHXB axborot xizmati xabar berdi.
Ijtimoiy tarmoqlarda voyaga yetmagan bola avtomobil boshqarayotgani aks etgan video tarqaldi. O‘rganishlar davomida rulda So‘x tumanidagi 11-sonli umumta’lim maktabining 5-sinf o‘quvchisi bo‘lgani, avtomobil esa uning otasiga tegishli ekani aniqlandi.
Holat yuzasidan bolaning otasiga nisbatan Ma’muriy javobgarlik to‘g‘risidagi kodeksning 47-moddasi hamda 135-moddasi 2-qismi bilan ma’muriy bayonnoma rasmiylashtirildi. Shuningdek, u bilan profilaktik suhbat o‘tkazildi.
- #Farg‘ona
- #qoidabuzarlik
