AQShda 13 yoshli qizga jinsiy zo‘ravonlik qilganlikda ayblanib 44 yoshli O‘zbekiston fuqarosi uzoq muddatga qamaldi
U 13 yoshli voyaga yetmagan qizga nisbatan og‘ir jinoyatlar sodir etganlikda aybdor deb topilib, 25 yildan 30 yil-u 6 oygacha ozodlikdan mahrum qilindi.
Prokuratura ushbu jazo qonunchilikda belgilangan eng yuqori cheklov ekanini bildirdi.
Tergov materiallariga ko‘ra, hodisa 2019-yilda yuz bergan. Ayblanuvchi yo‘l chetida turgan voyaga yetmagan qizni o‘zining yuk avtomobiliga o‘tqazib, unga nisbatan jinsiy zo‘ravonlik va buzuq harakatlar sodir etgan, so‘ngra jabrlanuvchini yuk mashinalari to‘xtash joyida tashlab ketgan.
Sud jarayonida hakamlar hay’ati uni odam o‘g‘irlash, zo‘rlash va noqonuniy jinsiy aloqa qilish kabi yetti modda bo‘yicha aybdor deb topdi. Shuningdek, jinoyat sodir etilgan vaqtda ayblanuvchining yoshi jabrlanuvchidan sezilarli darajada kattaligi jazoni og‘irlashtiruvchi holat sifatida baholandi.
Suddan so‘ng Abshukurov eng yuqori toifadagi jinsiy jinoyatchilar ro‘yxatiga kiritildi. U jazoni o‘tab chiqqanidan keyin ham umrining oxirigacha har 90 kunda yashash joyidagi huquqni muhofaza qiluvchi organlarda ro‘yxatdan o‘tib turishga majbur bo‘ladi. Sudlanuvchi qo‘yilgan ayblovlarni tan olmagan.
