Namanganda 5 yoshli qizaloqning jinsiy zo‘rlanishi ortidan davlat bog‘chalarining barcha xodimlari tekshirilmoqda
Namangan viloyati Uchqo‘rg‘on tumanida 5 yoshli qizaloqning bog‘cha ombori mudiri tomonidan jinsiy zo‘ravonlikka uchragani xabar qilingan edi. Mazkur holatdan so‘ng Maktabgacha va maktab ta’limi vazirligi barcha davlat maktabgacha ta’lim tashkilotlari xodimlari tekshirilayotganini ma’lum qildi.
Ma’lum qilinishicha, tekshiruvlar pedofillik holatlari boshqa bog‘chalarda ham takrorlanmasligi uchun xodimlar tekshiruvi boshlangan. Buning uchun esa maxsus ishchi guruh tuzilgan.
Shuningdek, vazirlikka ko‘ra, Uchqo‘rg‘ondagi voqeaga aloqador hamda o‘z ishiga mas’uliyatsizlik bilan yondashgan tizimdagi barcha xodimlar va mansabdor shaxslarga nisbatan tegishli tashkilotlar vakolati doirasida zarur choralar ko‘rilishi, aybdorlar jazolanishi ta’minlanadi.
Ta’lim tashkilotining voqeaga daxldor, deb gumon qilingan xodimlari bilan tuzilgan mehnat shartnomasi esa bekor qilingan.
