2024 йил декабрь ойида мамлакатда ҳарбий ҳолат эълон қилган Жанубий Корея президенти Юн Сок Ёл фуқаролардан узр сўради. Бу ҳақда сиёсатчининг республика конституциявий судидаги баёнотига таяниб, Ёнҳап хабар берди.

Аввало афсусда эканимни айтмоқчиман, шунингдек, халқдан миннатдорман, деди у.
Сиёсатчи гарчи миннатдорчилик туйғусини ҳис қилган бўлса-да, унга берилган вақт ичида ўз ишини бажара олмагани уни афсуслантирганини таъкидлади.

Президентнинг импичмент масаласи кўриб чиқилаётган йиғилишда унинг ҳимоячиси ҳарбий ҳолат икки соатдан кейин бекор қилингани ва “фармон эълон қилинган ҳамда бекор қилинган даврда бирорта ҳам фуқаро жабрланмагани”ни айтди. Адвокат Ли Дон Чан судда Юн парламентдаги мухолифат ҳаракатлари муносабати билан низом киритганини маълум қилди. Ёнҳапнинг ёзишича, суд қарорни икки ҳафта ичида, тахминан март ойи ўрталарида чиқариши мумкин.