Тошкент шаҳар ички ишлар бўлимининг хабарига кўра, бир нечта тўй эгалари ачинарли алдов қурбони бўлган.

Фирибгар қандай йўл тутган?

Ресторан администратори тўй тадбирларини ташкил этиш бўйича буюртмаларни қабул қилиб, саналарни келишиб олади, меню тузишда ёрдам берар ва олдиндан тўлов (аванс) қабул қиларди. Аммо, маросим куни келганда, меҳмонлар қоронғу залда, бўш столлар ва таомларсиз кутиб олинарди. Шу тариқа, мижозлар ҳам тўй маросимидан ҳам маблағларидан айрилишади.

Жабрланувчининг гувоҳлиги

Алданиб қолган тўй эгаларидан бири бўлган воқеа ҳақида сўзлаб берди.
“Биз ресторанга келдик, чироқлар ўчирилган, столлар бўш, ҳеч нарса йўқ эди. Мен ҳайратда қолдим”, – дейди у.

Айбдорнинг баёноти

Аниқланишича, фирибгар саккиз нафар мижозни алдаб, улардан жами 66 миллион сўм ва 7,4 минг доллар миқдорида пуллар олган. Сўроқ жараёнида айбдор шахс мижозлардан олган пулларни ўз шахсий эҳтиёжларига сарфлаганини тан олди.
“Мен тўй залини ижарага олдим, янги иш бошлашга ва бизнесмен бўлишга умид қилардим. Бир аёлдан 2,1 минг доллар, бошқа аёлдан 20 миллион сўм ва яна бир мижоздан 15 миллион сўм пул олганман. Барча олган пулларни ўз шахсий эҳтиёжларим учун сарфлаганман, чунки бозорда қарзларим бор эди. Мен хатойимни тушундим ва пул топиб, қарзларимни ёпишга интиламан. Мен жуда уятдаман, бундай ишга кириб қолганим учун. Илтимос, мени кечиринг”, – дейди фирибгар.

Жиноят иши қўзғатилди

Фирибгарга Жиноят кодексининг 168-моддаси (товламачилик) бўйича иш қўзғатилиб, тергов иши олиб борилмоқда. Айбдорга нисбатан ҳозирда ҳибсга олиш чораси қўлланилган.