21 февраль куни Фаластиннинг ҲАМАС ҳаракати исроиллик гаровга олинган Шири Бибаснинг жасадини иккинчи бора Халқаро Қизил Хоч қўмитасига топширди. Бу ҳақда “The Times of Israel” хабар берди.

Маълум қилинишича, жасад топширилгандан сўнг, полиция Бибаснинг жасадини текшириш мақсадида Тель-Авивдаги Cуд-тиббиёт институтига олиб кетган. Жасаднинг шахси аниқлангандан кейин Исроил расмийлари томонидан берилган маълумотга кўра, Шири 2023 йилнинг ноябрь ойида икки ўғли ва тўққиз ойлик чақалоғи билан бирга “шафқатсизларча” ўлдирилган.

Унинг шахси ойдинлашгандан сўнг аёлнинг оиласи ҳам маълумот берган.

“Бизнинг Шири асирликда ўлдирилган. Шири ажойиб она, фидойи опа, хола ва ақл бовар қилмайдиган дўст эди”, дейди унинг қариндошлари.

ҲАМАС ҳаракати бу хабарларга ҳозирча изоҳ бермаган.

Эслатиб ўтамиз, жорий йилнинг 20 февраль куни ҲАМАС 2023 йил 7 октябрь куни Исроилга ҳужум чоғида гаровга олинган 4 кишининг жасадини Исроилга қайтарганди. Орадан бироз вақт ўтиб, Исроил армияси ҲАМАС томонидан топширилган жасадлардан бири гаровга олинган Шири Бибас эмас, балки номаълум шахсга тегишли эканини маълум қилганди. Исроил қабул қилинган жасадларни Миллий суд-тиббиёт марказига юборган. Текширувларда жасадлардан бири номаълум ва Шири Бибасга тегишли эмаслиги аниқланган. Болаларнинг ДНК намуналари қайтарилган аёлники билан мос келмаган.