Сўнгги кунларда фуқароларга банк карталари тўғрисида огоҳлантирувчи СМС-хабарлар келмоқда. Бу ҳолат кўплаб саволларни келтириб чиқарди. Марказий банк ва “Ҳумо” тўлов тизими ушбу масалада расмий тушунтириш берди.

Фуқароларга юборилган СМС-хабарлар нимани англатади?

Марказий банкнинг маълум қилишича, ушбу хабарлар фуқароларни уларнинг номига расмийлаштирилган банк карталари ҳақида хабардор қилиш мақсадида юборилмоқда.
“Фуқаролар СМС-хабарларда қайд этилган банк карталари уларнинг номига расмийлаштирилганлиги билан боғлиқ бирор тушунмовчилик келиб чиққан тақдирда, хизмат кўрсатувчи тижорат банкига мурожаат қилиб, ҳолатга аниқлик киритишлари ҳамда фойдаланмаётган банк карталарини ёпишлари тавсия этилади”, — дейилади Марказий банк хабарида.

Шунингдек, регулятор банкларга мижозларга тегишли карталар сони бўйича Пуш-хабарнома ёки СМС орқали мунтазам огоҳлантириш юбориш бўйича кўрсатма берган.
Бу тизим фирибгарлик ҳолатларини олдини олиш ва банк карталаридан ноқонуний фойдаланишнинг олдини олиш учун жорий этилган.

“Ҳумо” карталари эгаларига муҳим огоҳлантириш

“Ҳумо” тўлов тизими ҳам банк карталарининг блокланиши ҳақида огоҳлантириш бериб, фуқароларга фаол бўлмаган карталарни ўз вақтида ёпишни тавсия қилди. Қайд этилишича, амалдаги тартибга кўра, 12 ой давомида ҳеч қандай транзакция амалга оширилмаган карталар банк томонидан автоматик равишда блокланиши мумкин. Шунинг учун кутилмаганда картангиз блокланишини олдини олиш учун фойдаланилмаётган “Ҳумо” карталарини @ҳумоcардбот (Телеграм) орқали вақтинчалик блоклаб қўйинг, дейилади хабарда. Бу усул карталарнинг хавфсизлигини таъминлашга ва банк томонидан заруриятсиз блокланишининг олдини олишга ёрдам беради.

Банк карталарига чекловлар

Марказий банк томонидан фирибгарлик ва ноқонуний операцияларни олдини олиш мақсадида банк карталарини чиқариш бўйича янги вақтинчалик тартиб жорий қилинди. Унга кўра, битта фуқаро номига 20 тагача карта очиши мумкин. Битта банкда очилиши мумкин бўлган карталар сони – 5 та. Бунда виртуал ва кобейжинг карталар умумий ҳисобга олинади. Чет эл валютасидаги карталар эса ушбу чекловдан мустасно
Марказий банк таъкидлашича, ушбу чеклов фирибгарлик схемаларининг олдини олиш ва шубҳали молиявий операцияларни камайтириш учун жорий этилган.
Ўтган йилнинг декабрь ойида 24 нафар шахсга тегишли бўлган 715 та карта орқали молиявий пирамида аломатларига эга платформалар – “Традезоне АИ”, “Cонсултинг Cонтрол Сессион” ва “Сcоде Cапитал” да пул ўтказмалари амалга оширилгани аниқланган.